کراچی: ڈی جی رینجرز میجر جنرل بلال اکبر کا کہنا ہے کہ تین ماہ میں کراچی کے نصف حصے کی مانیٹرنگ شروع کردی جائے گی۔
کراچی چیمبر میں تاجروں سے خطاب میں ڈی جی رینجرز میجر جنرل بلال اکبرکا کہنا تھا کہ پر امن کاروابری ماحول کے لیے رینجرز کا اسپیشل ٹاسک فورس کراچی کا دورہ کرنے والے غیر ملکی سرمایہ کاروں کو خصوصی سیکیورٹی فراہم کرے گا، خصوصی ٹاسک فورس کے سرمایہ کاروں کو تحفظ دینے سے شہر میں تحفظ اور بزنس فرینڈلی ماحول کو فروغ ملے گا،انہوں تاجر برادری سے کہا کہ غیر ملکی سرمایہ کاروں کے دورے کی تفصیلات رینجرز خصوصی ٹاسک فورس کوفراہم کرے۔
ڈی جی رینجرز نے کہاہے کہ تین ماہ میں نصف کراچی کی مانیٹرنگ اور چھ ماہ میں پورے کراچی کی مانیٹرنگ شروع کردیں گے ۔
ڈی جی رینجرز کا کہنا تھا کہ عاشورہ کے موقع پر سندھ بھر میں دس ہزار سے زائد رینجرز اہلکار تعینات کیے جائیں گے،جس میں سے سات ہزار صرف کراچی مین تعینات ہوں گے۔، ڈی جی رینجرز نے کہا کہ کوشش ہے کہ کراچی کے حالات جلد سے جلد بہتر کریں گے۔
اس موقع پر کراچی چیمبر آف کامرس کے صدر نے کہا کہ کراچی کے حالات بہتر ہونگے تو ملک کی معیشت کا پہیہ چلے گا، اُن کا کہنا تھا کہ کراچی اور مُلک میں امن وامان کی خراب صورتحال کی وجہ سے جی ڈی پی ڈیڑھ فیصد نقصان ہوُچُکا ہے۔
