ممبئی: بالی ووڈ اداکارہ جوہی چاولہ سٹیون اسپیلبرگ پروڈکشن سے ہالی ووڈ فلم نگری میں قدم رکھیں گی۔ فلم کی ہدایات لیسے ہالسٹروم دیں گے جس میں وہ اوم پوری کی بیوی کے کردار میں اپنی عمر سے 15 سال بڑی نظر آئیں گی۔
اداکارہ نے ہالی ووڈ کی فلم میں کام کرنے کی تصدیق کرتے ہوئے کہا کہ فلم میں ان کا کردار مختصر مگر اہم ہو گا، لیسے ہالسٹروم کی نئی فلم ’دی ہنڈرڈ فٹ جرنی ‘کے مرکزی کرداروں میں اوم پوری‘جوہی چاولہ‘منیش ڈیال اور ہیلن میرن شامل ہیں‘یہ فلم دو مختلف ثقافتوں میں پروان چڑھنے والی کزنوں کے گرد گھومتی ہے، فلم کی کہانی اسی نام ’دی ہنڈرڈ فٹ جرنی ‘ کے ناول سے ماخوز ہے جسے رچرڈ سی موریس نے تحریر کیا ہے‘یہ فلم رواں ماہ ہی ریلیز کی جائے گی۔
