جیکب آباد: شہر کے گورنمنٹ نیشنلائیزڈ ہمیدیہ ہائی اسکول میں سال دو ہزار پندرہ کا نویں جماعت کا اردو اور سندھی کا پیپر آؤٹ ہوگیا ہے۔
اسکول میں انتظامیہ کی نااہلی کی وجہ سے پیپر آؤٹ ہوا، امتحانی سینٹر میں پولیس کی موجود میں غیر متعلقہ لوگوں کی بہت بڑی تعداد پرچہ شروع ہونے سے پہلے داخل ہوگئی اور پیپر پہنچنے سے پہلے اسکول کی انتظامیہ کی جانب سے مبینہ طور پر رشوت کے عوض پرچہ آؤٹ کردیا گیا ہے۔
اسکول کے باہر کئی لوگوں کے پاس سوالیہ پیپر موجود ہے جبکہ امتحانی سینٹر کے اندر طالب علم بالکل آسانی نقل کر رہے ہیں اور ڈیوٹی پر موجود اساتذہ خاموش بے بس بن کر تماشہ دیکھ رہے ہیں۔
ہمارے مستقبل کے معمار ہیں، جن تربیت کی شروعات نقل سے کرائی جارہی ہے تو یہ بڑے ہوکر اور قوم کیلئے کیا خدمات انجام دیں وہ آج اس نویں جماعت کے اردو اور سندھی کے پیپر سے لگائی جاسکتی ہے۔
