اسلام آباد: قائمہ کمیٹی نے حکومت کو حج پالیسی کی سفارشات پیش کردیں، اس سال کسی کو مفت حج نہیں کرایا جائے گا ۔
قائمہ کمیٹی برائےمذہبی امور کے اجلاس میں حج پالیسی 2015کے اہم نکات پیش کئے گئے، حج پالیسی کی سفارشات کے مطابق اس سال کسی کو مفت حج نہیں کرایا جائے گا۔
سرکاری اسکیم کے تحت 15سے 23اپریل تک درخواست وصول کی جائیں گی ۔
- Advertisement -
گزشتہ5 سال میں حج کرنے والے دوبارہ درخواستیں دینے کے اہل نہیں ہونگے۔
کامیاب درخواست دہندگان کا اعلان23اپریل کو قرعہ اندازی کے بعد ہوگا، 50 فیصد عازمین سرکاری اور50 فیصد پرائیوٹ اسکیم کے تحت حج کریں گے۔
اس سال پہلے آئیے پہلے پائیے کے بجائےقرعہ اندازی ہوگی۔
وزیرمذہبی امور کے مطابق کراچی،کوئٹہ اورسکھرسے حج پیکج 2لاکھ46ہزار271روپے ہے، تمام حجاج کرام کو واپسی پر 5لیٹر آب زم زم فراہم کیا جائے گا۔
