site
stats
اہم ترین

حمزہ شہباز کی سرپرستی میں چلنے والے گروہ کا انکشاف

لاہور: پی آئی اے میں وزیر اعلیٰ پنجاب کے صاحبزادے حمزہ شہباز کی سرپرستی میں چلنے والے گروہ کا انکشاف ہوا ہے، جو بیرون ملک سے بغیر کرایہ سامان منگواتا ہے، پی آئی اے سکیورٹی اینڈ ویجیلنس نے اعلیٰ حکام کو گروہ کے بارے میں خط بھی لکھ دیا۔

پی آئی اے سکیورٹی اینڈ ویجیلنس نے اعلیٰ حکام کو خط لکھ کر انکشاف کیا ہے کہ پی آئی اے میں وزیر اعلٰی پنجاب کے صاحبزادے حمزہ شہباز کی سرپرستی میں ایک گروہ بیرون ملک سے بغیر کرایہ سامان منگواتا ہے۔

خط میں پی آئی اے کے ملازمین نذر بھٹی اور روحیل ظہور کے بارے میں بتایا گیا کہ وہ حمزہ شہباز کا نام استعمال کر کے ڈیوٹی ملازمین سے سامان زبردستی لے جاتے ہیں۔

 لاہور ایئرپورٹ پر چند روز پہلے پیش آنے والے واقعہ کا ذکر کرتے ہوئے بتایا گیا کہ بھاری مقدار میں آب زم زم لانے والے مسافر وسیم نور نے کرایہ ادا نہیں کیا جسے پی آئی اے ملازم نذر بھٹی حمزہ شہباز کا نام استعمال کر کے زبردستی لے گیا۔

اس خط میں مسافر فدا حسین کا بھی ذکر کیا گیا، جسے زائد سامان لانے کی پاداش میں پکڑا گیا لیکن اس نے تین سو ریال کرایہ ادا کر کے سامان کلیئر کرا لیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top