اسلام آباد: پاکستان تحریک انصاف کے سربراہ عمران خان کا کہنا ہے کہ جمہوریت کا اصلی حسن آزاد ادارے ہیں۔
تفصیلات کے مطابق تحریک انصاف کے سربراہ پیرکے روز جوڈیشل کمیشن میں پیشی بعد میڈیا سے گفتگو کررہے تھے۔
ان کا کہنا تھا کہ تحقیقات سے پتہ چل جائے گا کہ الیکشن کمیشن اورنادرا کتنے آزاد ہیں۔
ان کا کہنا تھاکہ ہمارے ہاں سیاست دان بادشاہوں کا سا مزاج رکھتے ہیں اداروں کو قانون کے مطابق چلنے نہیں دیتے۔
عمران خان کا کہنا تھا کہ نادرا کا ڈیتا بیس سنبھالنے والوں کے ہاتھ میں سب کچھ تھا سربراہ کے ہاتھوں میں کچھ بھی نہیں تھا۔
ان کا کہنا تھا کہ تحقیقات سے دھاندلی کے اصل ذمہ دارسامنے آئیں گے۔
ایک سوال کے جواب میں تحریک انصاف کےسربراہ کا کہنا تھا کہ سعد رفیق کو محض ایک ماہ کا اسٹے ملا ہے مسلم لیگ ن اس کے پیچھے چھپنے کی کوشش نہ کرے۔
