اسلام آباد: عمران خان کی محنت رنگ لے آئی طویل گفت و شنید کے بعد حکومت نے عدالتی کمیشن قائم کر دیا،معاہدے پر دستخط ہو گئے۔
پنجاب ہائوس اسلام آباد میں عدالتی کمیشن کے قیام کے معاہدے پر دستخط ہو گئے، معاہدے پر حکومت کی جانب سے اسٰحق ڈار جبکہ تحریک انصاف کی جانب سے شاہ محمود قریشی نے دستخط کئے ۔
اٹارنی جنرل سلمان بٹ نے وزیر خزانہ جبکہ جہانگیر ترین اوراسد عمر نےشاہ محمود قریشی کی معاونت کی، وزیر اعلیٰ بلوچستان نے بھی معاہدے پر دستخط کئے۔
معاہدے پر دستخط کے موقع پر اسحٰق ڈار نے سیاسی جرگے کی تعریف کرتے ہوئے کہا کہ حکومت کی کوشش ہو گی کہ آرڈیننس جلد از جلد نافذ کر دیا جائے۔
اس موقع پر پی ٹی آئی کے رہنما شاہ محمود قریشی نے کہا کہ جوڈیشل کمیشن آرڈیننس کے ذریعےقائم کیا جائے گا اور یہ اپنے قیام کے پینتالیس دن میں انتخابی دھاندلیوں کی تحقیقات شروع کر دے گا۔
