حکومت نے طرزعمل نہ بدلا تو کچھ سوچنا ہوگا، الطاف حسین -
The news is by your side.

Advertisement

حکومت نے طرزعمل نہ بدلا تو کچھ سوچنا ہوگا، الطاف حسین

لندن : ایم کیوایم قائد الطاف حسین نے کہا ہے کہ حکومت بتائے کہ چاہتی کیا ہے، اگر حکومت نے طرز عمل نہ بدلا تو ہنگامی طور پر کچھ سوچنا پڑے گا۔

اے آروائی نیوز سے خصوصی گفتگو کرتے ہوئے الطاف حسین نے کہا کہ نوازشریف بتائیں کیا ایم کیوایم بھی سڑکوں پر نکل آئے، یوم شہدا، لانگ مارچ اور احتجاج کا حق پامال ہوتا نہیں دیکھ سکتے، الطاف حسین نے بتایا کہ لاہور میں ایم کیو ایم کے فری میڈیکل کیمپ میں مریضوں کو نہیں جانے دیاجارہا، ماڈل ٹاؤن میں کھانے پینے کی اشیاء پہنچانے سے روک دیا گیا ہے۔

الطاف حسین نے کہا اگر یوم شہداء پر بیٹھے لوگوں کو خوراک پہنچانے کی اجازت نہیں دی گئی تو نتائج کی ذمہ دارحکومت ہوگی، ہم آئین اور قانون کے دائرے میں رہ کرکھانا پینا پہنچا رہے ہیں، ایم کیوایم چاہتی ہے کہ جمہوریت اپنے پانچ سال پورے کرے۔

Comments

comments

یہ بھی پڑھیں