ترجمان وزیر اعلی سندھ نے کہا ہے کہ حیدرآباد میں بھی رینجرز اور پولیس کی مدد سے کراچی طرز کا آپریشن کیا جائے گا، حیدر آباد اور کوٹری میں تاجروں سے ملاقات میں تاجروں اور صنعت کاروں نے وزیر اعلی سندھ کو امن و امان کی مخدوش صورت حال سےآگاہ کیا ۔
وزیر اعلی سندھ نے ڈی آئی جی اور ایس ایس پی کو ایک ماہ میں حیدر آباد سے بھتہ خوری کا خاتمہ کرنے کا حکم دیا ، وزیر اعلی سندھ نے حیدر آباد پولیس کو 10 نئی موبائلیں فراہم کرنے کا بھی اعلان کیا ۔ وزیر اعلی سندھ نے اس موقع پر تاجروں کو یقین دلایا کہ حیدر آباد ایئر پورٹ دوبارہ بحال کرنے کے لئے وفاقی حکومت سے رجوع کرینگے۔۔
