حیدرآباد : باپ نے 5بچوں کو گلا گھونٹ کر قتل کردیا -
The news is by your side.

Advertisement

حیدرآباد : باپ نے 5بچوں کو گلا گھونٹ کر قتل کردیا

حیدرآباد: باپ کی شفقت شقی القلبی میں تبدیل ہوگئی، حیدرآباد میں منشیات کے عادی باپ نے پانچ بچوں کی گلا گھونٹ کر جان لے لی۔

حیدرآباد کے قریب ظالم باپ نے اپنے ہی لاڈلوں کی جان لے لی، افسوسناک واقعہ ہالا کے قریب گوٹھ سعید خان لغاری میں پیش آیا، جہاں شفیق باپ نے اپنے پانچ ننھے بچوں کو اپنے ہاتھ سے گلا گھونٹ کر مار ڈالا ، بچوں میں تین بیٹے اور دو بیٹیوں شامل ہیں۔

علاقہ مکینوں کا کہنا ہے کہ باپ کا دماغی توازن خراب تھا اور گھر میں آئے دن جھگڑا رہتا تھا، واقعے کے وقت بچوں کی ماں گھر میں موجود نہیں تھی۔

جاں بحق بچوں کی عمریں ایک سے بارہ سال کے درمیان ہیں، جن کی لاشیں پوسٹ مارٹم کے لئے تعلقہ اسپتال منتقل کردی گئیں ہیں، پولیس کے مطابق ملزم منشیات کا عادی ہے۔

تفتیشی حکام واقعے کی دیگر پہلؤں کی تحقیقات کر رہے ہیں۔

Comments

comments

یہ بھی پڑھیں