خونی انقلاب میں آخری رکاوٹ میں ہوں، طاہرالقادری -
The news is by your side.

Advertisement

خونی انقلاب میں آخری رکاوٹ میں ہوں، طاہرالقادری

اسلام آباد: ڈاکٹر طاہرالقادری نے کہا کہ ہمارے صبرکاپیمانہ لبریز ہورہاہے،حکومت امتحان نہ لےجب یہ دھرنا تحریک میں تبدیل ہوگا تو شہر شہر انقلاب ہوگا۔

اسلام آباد میں انقلابی دھرنے سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہناتھاکہ دھرنے نے قوم کے بچے بچے کو شعور دیا ہے اسکول کے کلاس روم میں گو نواز گو کے نعرے لگ رہے ہیں،دھرنے کے باعث قوم اپنے آئین کی حقوق سے روشناش ہوئی، اس  وقت لاہور چیمبر آف کامرس  میں گو نواز گو کے نعرے بلند ہورہے ہیں، میں انہیں سلام پیش کرتا ہوں

ان کا کہنا تھا کہ پنجاب کے کسان کل پورے پنجاب کو بلاک کردیں گے، اپنے حقوق کے لئے کل ہاری اور کسان بھی نکلیں گے، دھرنوں نےعام آدمی کوآرٹیکل62اور63کاشعوردیا

انہوں دھرنے کے شرکاء سے کہا کہ آپ نے حقیقی انقلاب کی تاسیس رکھ دی ہے ، آپ جب بھی جائیں گےآپ کا سر فخر سے بلند ہوگا،انقلاب مارچ کا عظیم تاریخی نتیجہ یہ ہے کہ آج کابینہ میں بجلی کے اضافی بلوں پر بات ہورہی ہے، وہ وقت دور نہیں جب انقلاب اپنے آْخری لمحہ میں ہوگا۔

طاہرالقادری نے کہا کہ ہمارے صبرکاپیمانہ لبریز ہورہاہے،حکومت امتحان نہ لے، گھر بیٹھے کارکنوں کوپولیس تنگ کررہی ہے، پاکستان کی تاریخ میں ماڈل جیسی مثال نہیں ملتی ہے، اگر قوم 2013 کے انتخابات میں لبیک کہہ دیتی تو آج یہ دن دیکھنے کو نہیں ملتا۔

ان کا کہنا تھا کہ جب یہ دھرنا تحریک میں تبدیل ہوگا تو شہر شہر انقلاب ہوگا تب دنیا دیکھے گی انقلاب کیا ہوتا ہے، جب اعلان کروں گا دھرنا گلی گلی ہوگا، خونی انقلاب میں آخری رکاوٹ میں ہوں، وہ وقت آنے سے پہلے حکمران مستعفی ہوجائیں ۔

طاہرالقادری کا کہنا تھا کہ مجھے گنبد خضرا کی کی قسم میں اپنی جنگ نہیں لڑھ رہا ہوں میں کڑوڑوں پاکستانیوں کی جنگ لڑھ رہا ہوں، ہم غریبوں کی حق کی جنگ لڑھ رہے ہیں،قوم کو وہ نظام دینا ہے جو ملک کو بدل دے ۔

Comments

comments

یہ بھی پڑھیں