اسلام آباد: وزیرِاعظم نواز شریف نے قوم سے کئے گئےاعلانات پرعملدرآمد کیلئے وزراء کا اجلاس آج طلب کرلیا ہے جبکہ وزیرِاعظم نے دہشتگردی کا خاتمہ یقینی بنانے اور قوم سے وعدوں پر عمل درآمد کیلئے سیاسی اور قانونی مشاورت شروع کر دی ہے۔
سانحۂ پشاور کے بعد آل پارٹیز کانفرنس اور قومی ایکشن پلان کمیٹی کے اجلاس میں اہم فیصلے کئے گئے ہیں، جس میں آخری دہشتگرد کے خاتمے تک آپریشن جاری رکھنے کا فیصلہ بھی کیا گیا ہے۔
اس سے قبل اسلام آباد میں وزیرِاعظم کی زیرِ صدارت اہم مشاورتی اجلاس ہوا، جس میں انہوں نے سیاسی اورقانونی ماہرین سے اہم امور پر تبادلہ خیال کیا، وزیرِاعظم نے قوم سے کئے گئےاعلانات پرعملدرآمد کیلئے وزراء کا اجلاس بھی طلب کرلیا ہے۔
وزیر اعظم کا کہنا ہے کہ قوم سے خطاب میں کئے گئے اعلانات پرعملدرآمد یقینی بنایا جائے گا۔
