site
stats
اہم ترین

دہشت گردوں کو بھارتی ایجنسی را مدد فراہم کررہی ہے، پرویزمشرف

کراچی: سابق صدر پرویز مشرف نے کہا ہے کہ بھارتی خفیہ ایجنسی را پاکستان کو توڑنے کی سازش کررہی ہے۔

 برطانوی اخبار کو انٹرویو دیتے ہوئے سابق صدر اور (ر) جنرل پرویز مشرف کا کہنا تھا کہ حامد کرزئی نے پاکستان کی پیٹ میں چھرا گھونپا تھا، کرزئی نے بھارت میں افغان فوجی تربیت کے لیئے بھیج کر پاکستان کو دھوکا دیا۔

سابق صدر نے کہا ہے کہ بھارتی خفیہ ایجنسی را پاکستان کو توڑنے کی سازش کررہی ہے، دہشت گردوں کو بھارتی ایجنسی را مدد فراہم کررہی ہے۔

مشرف کا کہنا تھا کہ اب صدر غنی آ چکے ہیں اور وہ افغانستان میں توازن قائم کرنے میں کوشاں ہیں۔ہمیں ان کے ساتھ مکمل تعاون کرنا چاہیئے۔

مشرف نے کہا کہ موجودہ صدر کا سب سے احسن اقدام رواں مہینے چھ آرمی کیڈٹس کو پاکستان تربیت کیلئے بھیجنا ہے۔

انہوں نے کہا کہ انڈیا کی را اور پاکستان کی آئی ایس آئی آزادی کے بعد سے ایک دوسرے سے لڑ رہی ہیں، یہی ہوتا رہا ہے اور ہو رہا ہے۔

سابق صدر نے بتایا کہ پاکستان اور انڈیا کی اپنی اپنی پراکسیز تھیں،جو اچھی بات نہیں،ان سے افغانستان، پاکستان اور انڈیا کسی کو کوئی فائدہ نہیں۔ انہیں روکنا ہو گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top