کراچی: مشہور بالی وڈ کامیڈین راجپال یادو پاکستانی فلم ’’سوال 700 کروڑکا‘‘ میں جلوہ گرہوں گے۔
فلم نگری میں اطلاعات گردش کررہی ہیں کہ بھارتی کامیڈین راج پال یادو لالی وڈ فلم میں کام کریں گے۔
- Advertisement -
فلم کی شوٹنگ تھائی لینڈ، بنکاک اورسری لنکا میں شوٹ کی جائے گی جب کہ اس کی موسیقی بھارت میں ترتیب دی جائے گی۔
تاحال اس فلم سے متعلق کسی بھی اطلاع کی تصدیق یا تردید نہیں کی ہے اوراس کے بارے میں بہت کچھ منظرِعام پرآنا باقی ہے۔
واضح رہے کہ پاکستان کے فنکار اور موسیقار بھارتی فلم انڈسٹری میں اپنی جاگہ بناچکے ہیں لیکن بھارت کی جانب سے ابھی تک صرف نصیر الدین شاہ پاکستان کی فلم نگری کے لئے اپنی خدمات پیش کرتے نظر آئے ہیں لیکن اب لگتا ہے کہ منظر بدلنے والا ہے۔
راج پال یادو اپنے مضحکہ خیز کرداروں کے باعث مشہور ہیں۔
