The news is by your side.

Advertisement

روزانہ سیب کھانے کی عادت کولیسٹرول کو قابو میں رکھتی ہے

روزانہ ایک سے دو سیب کا استعمال کولسیٹرول کو کم کرنے میں مدد فراہم کرتا ہے۔

طبی ماہرین کے مطابق انسانی جسم میں مضر کولیسٹرول میں اضافے کے باعث ہائی بلڈ پریشر کا مرض لاحق ہوتا ہے اور انسانی جسم میں کولیسٹرول کا توازن برقراررکھنے کے لیے روزانہ سیب کا استعمال فائدہ مند ہے۔

طبی ماہرین کے مطابق سیب میں موجود اینٹی اکسائیڈنٹس کولیسٹرول کو شریانوں میں اکھٹے نہیں ہونے دیتے اور اس طرح خون میں کولیسٹرول کی شرح کو کم کرتے ہیں۔

اسی طرح یہ پھل موٹاپے سے تحفظ دینے کے لیے بھی فائدہ مند ثابت ہوتا ہے اور یہ محاورہ تو سب کو ہی معلوم ہے کہ روزانہ ایک سیب کھانا ڈاکٹر کو دور رکھتا ہے۔

دل کی گھبراہٹ کی صورت میں تازہ سیب یا اس کا مربہ کھانا انتہائی مفید ہوتا ہے، اسمیں فولاد ، وٹامن اے کیلشیم ، فاسفورس پائے جاتے ہیں، جو انسانی صحت کے لئے ضروری ہوتے ہیں، اسکے علاوہ وٹامن بی اور سی بھی ہوتے ہیں۔

کینیڈین ماہرین نے کہا ہے کہ روزانہ سیب چھلکے کے ساتھ کھانے سے بلڈ پریشر کی بیماری سے بچاؤ ممکن ہے، ماہرین کے مطابق سیب چھلکے کے ساتھ کھانا سبز چائے اور بلیو بیریز کی نسبت زیادہ کارآمد ثابت ہوتا ہے، یہ بلڈ پریشر کو نارمل رکھتا ہے اور اس کے روزانہ استعمال سے بلڈ پریشر کی بیماری سے بچاؤ ممکن ہے۔

یہ دوسرے طریقوں سے چھ گنا زیادہ اثر انداز ہوتا ہے، یہ فشار خون کی سطح کو بڑھنے سے روکتا ہے۔ سیب کو کھانے کے بہت سے فوائد ہیں، یہ جسم کو توانائی مہیا کرتا ہے، سیب کھانا اچھی صحت کیلئے ضروری ہے، یہ پھل قدرت کا قیمتی تحفہ ہے۔

Print Friendly, PDF & Email

Comments

comments

یہ بھی پڑھیں