بنوں : پاکستان تحریک انصاف کے چیئر مین عمران خان کی اہلیہ ریحام خان نے آئی ڈی پیز بچوں کے ساتھ بنوں میں عید منائی۔
نیشنل بھابھی نےننھے ہاتھوں میں مہندی لگائے بچوں کو چارگھنٹے انتظار کرایا اور پھر تاخیرسےآنےپرمعذرت کرلی۔ریحام خان بنوں اسپورٹس کمپلیکس پہنچیں۔
جہاں انھوں نے شمالی وزیر ستان کی متاثرہ خواتین اور بچوں کے ساتھ عید منائی۔ ان کا کہناتھا کہ وہ ہر خوشی اور غم میں متاثرہ افراد کے ساتھ ہیں۔
اس سے قبل عمران خان اور ان کی اہلیہ نے بذریعہ ہیلی کاپٹر بنوں پہنچنا تھا لیکن خراب موسم کے باعث عمران خان کا دورہ منسوخ کر دیا گیا۔
ریحام خان بھی بذریعہ روڈ چار گھنٹے کی تاخیر سے آئی ڈی پیز کیمپ پہنچیں جہاں آئی ڈی پیز خواتین نے ان کا استقبال کیا۔ ریحام خان بنوں اسپورٹس کمپلیکس میں عید مناتے بچوں کے ساتھ گھل مل گئیں۔
انہوں نے بچوں میں تحائف تقسیم کئے اور کھانا بھی ان کے ساتھ ہی کھایا۔ تقریب سے خطاب میں ریحام خان نے کہا کہ تحریک انصاف اور خیبر پختونخوا حکومت آئی ڈی پیز کے ساتھ ہے۔