ریسٹورنٹ سے دس افراد کے قتل میں ملوث ملزم کو گرفتار کیا گیا، رینجرز -
The news is by your side.

Advertisement

ریسٹورنٹ سے دس افراد کے قتل میں ملوث ملزم کو گرفتار کیا گیا، رینجرز

کراچی : رینجرز نے گذشتہ روز کلفٹن کے علاقے میں واقع نجی ریسٹورنٹ پر چھاپے سے متعلق بیان جاری کردیا ، ترجمان رینجرز کا کہنا ہے کہ ریسٹورنٹ پر چھاپے کے دوران دس افراد کے قتل میں ملوث ٹارگٹ کلر کو گرفتار کیا گیا۔

ترجما ن رینجرز کے جانب سے جاری بیان میں کہا گیا ہے کہ پاکستان رینجرز سندھ نے خفیہ معلومات کی بنیاد پر کلفٹن کے ریسٹورنٹ میں چھاپہ مارا۔

کارروائی کے دوران بدنام ٹارگٹ کلر یامین عرف اے ڈی کو گرفتار کیا گیا ہے ، گرفتار ٹارگٹ کلر یامین دس افراد کی ٹارگٹ کلنگ میں ملوث ہے ۔

ترجمان کے مطابق ریسٹورنٹ گذشتہ چند روز سے زیر نگرانی تھا جہاں ٹارگٹ کلر کی مشکوک سرگرمیوں کی اطلاع تھی۔ ترجمان کاکہنا ہے کہ گرفتار ملزم نے گذشتہ سال گڈ لک گارڈن میں چار افراد کو قتل کرنے کا اعتراف کیا ہے۔

ملزم ڈکیتی ،اور جبراً مارکیٹ بند کرانے اور ہڑتالوں کے موقع پر شہریوں پر تشدد میں بھی ملوث رہا ہے۔

Comments

comments

یہ بھی پڑھیں