کراچی: پاکستان کو باقی ماندہ دنیا سے منسلک کرنے والے زیرِ آب انٹرنیٹ کیبلز کو نقصان پہنچنے کے سبب ملک بھرمیں انٹرنیٹ کی رفتار متاثر ہوئی ہے ، 3 جی صارفین بھی متاثر ہوئے بغیر نہ رہ سکے۔
تفصیلات کے مطابق انٹرنیٹ کیبل میں خرابی کراچی کے ساحل کے نزدیک واقعہ ہوئی ہے اور ماہرین کے مطابق متاثرہ جگہ کی نشاندہی کرلی گئی ہے لیکن اس کی درستگی کے لئے وقت درکار ہے۔
پی ٹی سی ایل ذرائع نے بھی کیبل میں نقص آجانے کی تصدیق کرتے ہوئے کہا ہے کہ ’’کیبل کی مرمت کے لئے توقع سے زیادہ وقت درکارہے اور ملک کی انٹرنیٹ کی ضروریات کو پورا کرنے کے لئے بینڈ ود دیگر کیبلز پر منتقل کی جارہی ہے۔
One of our Submarine Cables (SMW4) has developed a fault. Location has been identified and team is working on restoring the connectivity.
— PTCL Cares (@PTCLCares) June 24, 2015
Restoration of bandwidth through the SMW4 Cable could not be achieved due to physical fault in the undersea cable….. Cont’d — PTCL Cares (@PTCLCares) June 25, 2015
ذرائع کا کہناہے کہ مذکورہ کیبل کی مرمت میں کئی ہفتے بھی لگ سکتے ہیں اور اس دوران انٹرنیٹ صارفین کو اپ لوڈنگ اور ڈاوٗن لوڈنگ میں مشکلات کا سامنا درپیش رہے گا۔
بینڈ ود کو متبادل کیبل پر منتقل کرنے کے بعد ملک میں انٹرنیٹ کی سہولت تو بحال ہوجائے گی لیکن صارفین کو وقتی طور پر مشکلات کاسامنا رہے گا اور3 جی صارفین بھی اس دوران مشکلات کا شکاررہیں گے
اس موقع پرصارفین نے پی ٹی سی ایل پر غصے کا بھی اظہار کیا جس پر پی ٹی سی ایل کی جانب سے صارفین سے کو وضاحت بھی فراہم کی گئی ہے۔
@farwarebel One of our Submarine Cables (SMW4) has develpd a fault. Location has been identified and team is working on restoring the contvy
— PTCL Cares (@PTCLCares) June 24, 2015
