اسلام آباد ہائیکورٹ نے سابق چیف جسٹس افتخارچوہدری کی سیکیورٹی کے خلاف درخواست مسترد کردی اور درخواست گزار پر ایک لاکھ روپے جرمانہ کردیا۔
سابق چیف جسٹس افتخارچوہدری کی سیکیورٹی کے خلاف سماعت اسلام آباد ہائی کورٹ کے جسٹس شوکت عزیز صدیقی نے کی، عدالت نے درخواست مسترد کرتے ہوئے درخواست گزار ریاض حنیف راہی پر ایک لاکھ روپے جرمانہ کردیا۔
ریاض حنیف نے سابق چیف جسٹس افتخار چوہدری کی اضافی سیکیورٹی دینے اور بلٹ پروف گاڑیاں فراہم کرنے کے خلاف درخواست دائر کی تھی، جس میں موقف اختیار کیا تھا کہ اگرافتخار چوہدری کو اٖضافی سیکیورٹی فراہم کی گئی تو سابق چیف جسٹس صاحبان بھی کلیم کریں گے، جس سے ملکی خزانے پر بوجھ پڑے گا۔
جسٹس شوکت عزیز نے درخواست گزار کو دلائل سے روکتے ہوئے ریمارکس دیئے کہ آپ دلائل نہ دیں، درخواست پڑھیں، درخواست گزارکا کہنا تھا کہ فیصلہ کیخلاف اپیل کریں گے۔
