سیمی فائنل میں پہنچنے کے بعد قومی کرکٹ ٹیم کے وکٹ کیپر و بیٹر محمد رضوان نے قوم کو مبارکباد دی ہے۔
قومی ٹیم کے وکٹ کیپر بیٹر محمد رضوان نے گرین شرٹس کے سیمی فائنل میں پہنچنے کے بعد ٹوئٹ کی جس میں انہوں نے لکھا کہ سارا نظام چلانے والی ذات اللہ پاک کی ہے۔
محمد رضوان نے ٹوئٹ میں مزید لکھا کہ اللہ کا شکر ہے، پاکستان کو بہت مبارک، برائے مہربانی ہمیں دعاؤں میں یاد رکھیں۔
Sara Nizaam Chalaane waali zaat
Allah pak ki hai.Alhumdulillah, Pakistan ko Mubarak ho. Please keep us in your prayers. 🤲 pic.twitter.com/VrFPCtW2Gc
— Muhammad Rizwan (@iMRizwanPak) November 6, 2022
اس کے علاوہ پاکستانی ٹیم کے سیمی فائنل میں پہنچنے کے بعد فخر زمان نے ٹوئٹ میں کہا تھا کہ ’ دیکھا پھر قدرت کا نظام‘
Dekha phir Qudrat ka Nizam 😀 pic.twitter.com/FA0luEgrBl
— Fakhar Zaman (@FakharZamanLive) November 6, 2022
پی سی بی کے چیئر میں رمیز راجا نے بھی ٹیم کے سیمی فائنل میں پہنچنے کے بعد سورہ انفال کی آیت نمبر 30 شیئر کی تھی، جس کا مطلب تھا اللہ سب سے بہتر منصوبہ بنانے والا ہے۔
— Ramiz Raja (@iramizraja) November 6, 2022
واضح رہے کہ گزشتہ روز پاکستان نے بنگلا دیش کو شکست دیکر ٹی ٹوئنٹی ورلڈکپ کے سیمی فائنل میں کوالیفائی کیا تھا۔ پاکستان نے بنگلا دیش کو 5 وکٹوں سے شکست دی تھی۔
دوسری جانب ٹی 20 ورلڈ کپ میں پاکستانی ٹیم سیمی فائنل کھیلنے کے لیے ایڈیلیڈ سے سڈنی پہنچ گئی ہے جہاں وہ بدھ کو نیوزی کے مدمقابل ہوگی۔
