site
stats
اہم ترین

سندھ اورپنجاب میں بلدیاتی انتخابات کی تاریخوں کا اعلان

اسلام آباد: الیکشن کمیشن نےخیبر پختونخواہ کے بعد سندھ اور پنجاب میں بھی بلدیاتی انتخابات کرانے کا فیصلہ کرلیا ہے، پنجاب میں بلدیاتی انتخابات نومبر 2015ء میں ہوں گے جبکہ سندھ میں آئندہ سال مارچ میں انتخابات کرائے جائیں گے۔

چیف الیکشن کمشنر سردار محمد رضا کی صدارت میں ہونے والے الیکشن کمیشن کے اجلاس میں صوبوں نے الیکشن کمیشن کو اپنی تیاریوں سے آگاہ کر دیا۔

اجلاس کے بعد قائم مقام سیکرٹری الیکشن کمیشن شیرافگن نے میڈیا کوبتایا کہ بلدیاتی انتحابات کی حتمی تاریخوں کا اعلان بعد میں کیاجائے گا۔ان کا کہنا تھا کہ حلقہ بندیوں اور قوانین میں سقم دور کرنے اور دیگر انتظامات کے بارے میں تفصیل سے صوبوں کے ساتھ بات کی گئی ہے۔

الیکشن کمیشن کے مطابق خیبرپختونخواہ میں بلدیاتی انتخابات مئی 2015 کے آخرمیں ہوں گے۔

چیف الیکشن کمشنرسرداررضا نے اجلاس کو بتایا کہ بلوچستان میں بلدیاتی نظام کام کررہا ہے اوردوسر ے صوبوں میں بھی جلد انتخابات کرادئیے جائیں گے۔

ان کا کہنا تھا کہ الیکشن کمیشن کا کام صاف اورشفاف انتخابات کا انعقاد ہے اورکمیشن اپنی ذمہ داریوں سے بخوبی آگاہ ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top