The news is by your side.

Advertisement

سندھ میں شہروں کے داخلی وخارجی راستوں پر چوکیاں بنانے کا فیصلہ

کراچی: آرمی چیف جنرل راحیل شریف کی زیرِصدارت کراچی کورہیڈ کوارٹرز میں ایپکس کمیٹی کےخصوصی اجلاس میں سندھ کے بڑے شہروں کے داخلی و خارجی راستوں پر پولیس اور رینجرز چوکیاں قائم کرنے کا فیصلہ کرلیا گیا ہے۔

کراچی میں کور ہیڈ کوارٹرز میں آرمی چیف جنرل راحیل شریف کی زیرِ صدارت اجلاس میں دہشتگردی سے نمٹنے اور نیشنل ایکشن پلان پر موثر عمل درآمد پر زور دیا گیا ہے۔

ذرائع کے مطابق اجلاس میں رینجرز اور قانون نافذ کرنے والے اداروں کے مابین مربوط ہم آہنگی یقینی بنانے کی ہدایت کی گئی ہیں۔

اجلاس میں سندھ کے تمام بڑے شہروں کے داخلی و خارجی راستوں پر پولیس اور رینجرز کی چوکیاں قائم کرنے کا فیصلہ ہوا ہے جبکہ اجلاس میں قانون نافذ کرنے والے اداروں کو بلا امتیاز کارروائیاں جاری رکھنےکا حکم دیا گیا ہے۔

اجلاس میں وزیر اعلیٰ سندھ سید قائم علی شاہ، گورنر سندھ، ڈی جی آئی ایس آئی ، پولیس رینجرز اور انٹیلی جنس اداروں کے نمائندے شریک ہوئے۔

واضح رہے کہ گزشتہ روز صفورا گوٹھ میں اسماعیلی کمیونٹی کی بس پر بدترین دہشتگردی کے واقعے کے بعد آرمی چیف جنرل راحیل شریف دورہ سری لنکا منسوخ کرکے کراچی پہنچ گئے تھے۔

Comments

comments

یہ بھی پڑھیں