کراچی: سنی اتحاد کونسل کے کارکنان طارق محبوب کی میت اٹھائے وزیر اعلی ہاوس جانے کی کوشش میں پولیس سے لڑ پڑے،محکمہ داخلہ نے ریڈ زون میں نوے روز کیلئےجلسے جلوس اور ریلیوں پر پابندی عائد کردی۔
سنی اتحاد کونسل کے کارکنان ،دوران حراست انتقال کر جانے والے رہنما طارق محبوب کی میت اٹھائے دھرنا دینے وزیر اعلیٰ ہاؤس کی جانب روانہ ہوئے پولیس نے روکا اور مذاکرات کرنے کی کوشش کی لیکن نہ رُکے اور ایم اے جناح روڈ پہنچےجہاں پولیس پھر آڑے آگئی اور مظاہرے کو وزیر اعلیٰ ہاؤس جانے سے روکا گیا۔
اس دوران پولیس اور سنی اتحاد کونسل کے کارکنان کے درمیان بات تلخ کلامی سے شروع ہوئی اور ہاتھا پائی تک جا پہنچی۔
صورتحال کو دیکھتے ہوئے وزارت داخلہ سندھ نے ریڈ زون ایریاز میں دفعہ ایک سو چوالیس نا فذ کردی،پابندی کا اطلاق بھی فوری ہوگیا، ریڈ زون ایریاز میں جلسے جلوس اور ریلیوں پرنوے روز کیلئے پابندی ہوگی۔
