The news is by your side.

Advertisement

صاحبزادہ حامد رضا نے آج ملک بھر میں ہونے والا احتجاج منسوخ کر دیا

فیصل آباد میں سنی اتحاد کونسل نے ضلعی انتظامیہ کی طرف سے تمام مطالبات تسلیم کئے جانے پر 9 گھنٹے بعد احتجاجی دھرنے ختم کر دیئے، آج ملک بھر میں ہونے والا احتجاج بھی منسوخ کر دیا گیا۔

سنی اتحاد کونسل کے چیئرمین صاحبزادہ حامد رضا نے اعلان کیا ہے کہ ضلعی انتظامیہ نے ان کے تمام مطالبات منظور کرلئے ہیں اور دھرنے کو پر امن طور پر برخاست کردیا گیا ہے۔

تمام تنظیمات اہل سنت کی اپیل پر ضلع کونسل چوک میں دھرنا جاری تھا، جس میں عید میلادالنبی کے جلوس نکالنے کے حوالے سے ضلعی انتظامیہ کے غیرمناسب رویہ پر شدید احتجاج کیا گیا۔

دھرنے میں سنی اتحاد کونسل، جمعیت علماء پاکستان، مرکزی جمعیت علماء پاکستان، جماعت اہلسنّت، انجمن طلباءاسلام، تحریک منہاج القرآن، دعوت اسلامی، پاکستان سنی تحریک اور دیگرتنظیمیں شامل تھیں ۔
   

Print Friendly, PDF & Email

Comments

comments

یہ بھی پڑھیں