The news is by your side.

Advertisement

سَنِنداپُشکر کی موت کا معمہ ایک سال بعد حل ہوگیا

ممبئی: بھارتی وزیر ششی تھرور کی بیوی سَنِنداپُشکر کی موت کا معمہ ایک سال بعد حل ہوگیا۔

تفتیشی رپورٹ کے مطابق سنندا پشکر کی موت حادثہ نہیں بلکہ قتل ہے انہیں زہر دے کر ہلاک کیا گیا تھا ۔گزشتہ سال ہوٹل کے کمرے میں مردہ پانے والی سنندا پشکر کے قتل کا مقدمہ درج کرلیا گیا۔دہلی پولیس کا کہنا مجرم کو جلد گرفتار کر لیا جائے گا،دہلی پولیس چیف کےمطابق سنندا کے اعضا مزید ٹیسٹس کیلئے بیرون ملک روانہ کیے جائیں گے، بھارتی وزیر ششی تھرور کی بیوی سنندا پشکر کی موت کو ڈاکٹروں نے مشکوک قرار دیا تھا۔

 سننداپشکر سترہ جنوری دوہزارچودہ کو لیلاپیلس کے کمرہ نمبر تین سو پینتالیس میں مردہ حالت میں پائی گئی تھیں، واقعے کے تقریباً ایک سال کے بعد میڈیکل بورڈ نے تحقیقات کے بعد نتیجہ اخذ کیاکہ سننداپشکر کی موت غیرفطری تھی۔ رپورٹ کے مطابق بھارتی سیاستدان ششی تھرور کی اہلیہ کو زہر دے کر قتل کیاگیا۔

بھارتی میڈیا کے مطابق تین رکنی میڈیکل بورڈ نے ششی تھرور کی اہلیہ سنندا پشکرکی رپورٹ جاری کی ہے، جس میں بتایا گیا ہے کہ موت سے قبل سنندا بالکل نارمل تھیں اورانہیں کوئی بیماری نہیں تھی۔

Print Friendly, PDF & Email

Comments

comments

یہ بھی پڑھیں