The news is by your side.

Advertisement

سہیل خان کے چاہنے والوں نے ایک سڑک اپنے ہیرو کے نام منسوب کردی

کراچی: پاکستانی فاسٹ بولر سہیل خان کی شاندار کارکردگی نے شائقین کے دل جیت لیے ہیں،کراچی کے گنجان علاقے میں سڑک سہیل خان کے نام سے منسوب کردی گئی ۔

 فاسٹ بولر سہیل خان نے بھارت کے پانچ سورما آوٹ کرکے عوام کے دل جیت لیے،گرین شرٹس کو شکست ضرور ہوئی لیکن شائقین کو سہیل خان کی صورت میں ایک نیا ہیرو مل گیا۔

کراچی کے گنجان علاقے رشیدآباد میں جشن کا سما دیکھنے کو ملا، ہر طرف سہیل خان کی تعریفوں میں سنہری الفاظ درج اور گلیوں میں پاکستانی پرچم تھے، ڈھول کی تھاپ پر روایتی رقص نے ہرطرف خوشیوں کے رنگ بکھیر دیئے۔

رشیدآباد کے رہنے والوں نے اپنا سپر اسٹار کے نام سے ایک سڑک منسوب کردی ہے اور ساتھ ہی بلند و بالا پہاڑوں پر طویل القامت پوسٹر نصب کردیے ہیں،سب کی یہی دعا ہے کہ سہیل خان تباہ کن بولنگ کرکے پاکستان کی کامیابی میں اپنا کردار ادا کریں۔

Print Friendly, PDF & Email

Comments

comments

یہ بھی پڑھیں