سیالکورٹ: ایم کیوایم سیالکوٹ کے ضلعی عہدیدار باؤ محمد انور شہید کے سوئم میں اہل خانہ، ایم کیوایم پنجاب زون، پنجاب کے مختلف ڈسٹرکٹس اراکین اور کارکنان سمیت بڑی تعداد میں لوگ شرکت کر رہے ہیں۔
تفصیلات کے مطابق ایم کیو ایم سیالکوٹ کے نائب صدر باؤ محمد انور شہید کا سوئم ان کی رہاش گاہ پر ہو رہا ہے۔ سوئم کے اجتماع میں باؤ انور کے اہل خانہ، ایم کیو ایم کے سینئر رہنما سیف یار خان ، عبدالحسیب، ایم این اے ساجد احمد، ایم این اے عبدالوسیم، عابد گجر سمیت ایم کیو ایم کے دیگر ذمے داران اور کارکنان بڑی تعداد میں شرکت کر رہےہیں۔
اس موقع پر شہید کو خراج عقیدت پیش کرنے اور انکے ایصال ثواب کیلئے دعا اور قرآن خوانی بھی کی جا رہی ہے۔ ایم کیو ایم سیالکوٹ کے سینئر کارکن باؤ محمد انور کو دو روز قبل شہاب پورہ روڈ پر دہشتگردوں نے نشانہ بنایا تھا۔
دوسری جانب ایم کیو ایم کے عہدیدار باؤ انور کے سوئم کے موقع پر علاقہ مکین سوگوار ہیں۔
