سیدنا برہان الدین کی آخری رسومات، ممبئی میں تدفین ہوگی -
The news is by your side.

Advertisement

سیدنا برہان الدین کی آخری رسومات، ممبئی میں تدفین ہوگی

بوہرا جماعت کے روحانی پیشوا سیدنا برہان الدین کا جلوس جنازہ آخری رسومات کی ادائیگی کے لئے روانہ ہوگیا، جلوس جنازہ میں ہزاروں افراد شریک ہیں، آخری دیدارکے موقع پر بھگدڑ بھی مچی، جس سے اٹھارہ افراد جاں بحق اور پچاس زخمی ہوگئے۔

بھارتی میڈیا کے مطابق داؤدی بوہراجماعت کےروحانی پیشوابرہان الدین کا جلوس جنازہ آخری آرام گاہ کی جانب روانہ ہوگیا ہے، سیدنا برہان الدین کو تین گھنٹے تک جاری رہنے والی آخری رسومات کے بعد بھنڈی بازار میں داؤدي بوہرا برادری کی درگاہ میں دفن کیا جائے گا۔

وہ گذشتہ روز ممبئی میں نیند کے دوران حرکت قلب بند ہونے سے انتقال کرگئے، بھارت کے وزیراعظم منموہن سنگھ اور کانگریس کی صدر سونیا گاندھی نے ان کی موت پر بوہرہ برادری سے اظہار تعزیت کیا ہے۔

اس قبل سیدنا برہان الدین کے آخری دیدار کے موقع پر بھگدڑ مچنے سے اٹھارہ افراد جاں بحق اور پچاس سے زائد زخمی ہوگئے، حکام نے ہلاکتوں میں اضافے کا خدشہ ظاہرکیا ہے۔
   

Comments

comments

یہ بھی پڑھیں