site
stats
پاکستان

شمالی وزیرستان: بےگھر13ہزارسے زائد خاندانوں کی رجسٹریشن منسوخ

شمالی وزیرستان: حکومت نے شمالی وزیرستان سے بے گھرتیرہ ہزار سے زائد خاندانوں کی رجسٹریشن منسوخ کرلی ہے۔

شمالی وزیرستان میں آپریشن ضربِ عضب کامیابی سے جاری ہے، سرکاری حکام نے اے آروائی نیوز کو بتایا کہ شمالی وزیرستان سے بے گھر خاندانوں کی تصدیق کا عمل جاری ہے، تیرہ ہزار نو سو نواسی خاندانوں کی رجسٹریشن منسوخ کردی گئی ہے ان خاندانوں نے ایک سے زائد مقامات پراپنی رجسٹریشن کرائی تھی۔

حکام کے مطابق دوہری رجسٹریشن کی وجہ سے متاثرہ خاندانوں کو حکومتی معاوضہ اور دیگرسہولیات کی ادائیگی میں مشکلات بھی پیش آرہی تھی۔

حکام کے مطابق شمالی وزیرستان کے تیراسی ہزار چار سو اسی خاندانوں کورجسٹرڈ کیا گیا ہے، سرکاری حکام کا کہنا تھا کہ ان خاندانوں کی رجسٹریشن منسوخ ہونے کے بعد دیگر لوگوں میں امداد کی فراہمی میں آسانی پیدا ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top