شکاگو: چھوٹا طیارہ گر کر تباہ،3 پاکستانی ڈاکٹر جاں بحق -
The news is by your side.

Advertisement

شکاگو: چھوٹا طیارہ گر کر تباہ،3 پاکستانی ڈاکٹر جاں بحق

شکاگو: امریکی ریاست شکاگو میں طیارے کے حادثے میں تین پاکستانی نژاد ڈاکٹرز جاں بحق ہوگئے، امریکا میں پاکستانی کمیونٹی نے حادثے پر دکھ کا اظہارکرتے ہوئے اسے میڈیکل پروفیشن کا بڑا نقصان قرار دیا ہے۔

چھٹی کے دن کوبھرپورانداز میں منانے کے لئے نکلنے والے تین پاکستانی نژاد ڈاکٹرز کواندازہ نہیں تھا کہ انہیں گھرلوٹنا نصیب نہیں ہوگا۔ امریکی ریاست شکاگو کے مڈ وے انٹرنیشنل ائیرپورٹ سے اڑان بھرنے والا چھوٹا طیارہ پرواز کے بعد فنی خرابی کا شکار ہوگیا۔

طیارے میں سوار پاکستانی نژاد ڈاکٹر نیورو سرجن ڈاکٹر توصیف رحمان، ڈاکٹرعلی کانچ والا اوران کی اہلیہ ڈاکٹر ماریہ جاوید کانچ والا نے رہائشی علاقے کو تباہی سے بچانے کی کوشش میں طیارے کو آبادی سے دورلے جانے کی کوشش میں اپنی جان قربان کردی۔

حادثے کے وقت نیوروسرجن ڈاکٹر توصیف رحمان جہاز اڑا رہے تھے،تینوں افراد کنساس سٹی کے علاقے لارنس کلیرن کے رہائشی تھے۔

حادثہ پالوز ہل میں پیش آیا، جاں بحق ہونے والے تینوں افراد میڈیکل کی دنیا کے بڑے نام تھے، جن کی المناک موت کو میڈیکل کے شعبے کا بھی بڑا نقصان قراردیا جا رہا ہے۔

پاکستانی کمیونٹی نے تینوں ڈاکٹرز کی حادثاتی موت پر گہرے دکھ اور رنج کا اظہار کیا ہے۔

Comments

comments

یہ بھی پڑھیں