فاٹا ٹریبونل کی جانب سے ڈاکٹر شکیل آفریدی کیخلاف مقدمہ کا فیصلہ آج سنائے جانے کا امکان ہے، ڈاکٹر شکیل پر ایبٹ آباد میں جعلی پولیو مہم اورکالعدم تنظیموں سے روابط کا الزام ہے۔
فاٹا ٹریبونل نے ڈاکٹر شکیل آفریدی کے مقدمہ کا فیصلہ اٹھارہ دسمبر تک محفوظ کرلیا تھا، ڈاکٹر شکیل کو بائیس مئی دو ہزار گیارہ کو پشاور سے گرفتار کیا گیا، اے پی اے کی عدالت نے کالعدم تنظیموں سے روابط کے جرم میں ڈاکٹر شکیل کو تینتیس سال قید کی سزا سنائی تھی۔
ڈاکٹر شکیل آفریدی نے قید و جرمانے کی سزا کو چیلنج کررکھا تھا، کمشنر نے کیس فاٹا ٹریبونل کے سپرد کیا تھا، کیس کی سماعت کے بعد فاٹا ٹریبونل نے کیس کا فیصلہ اٹھارہ دسمبرتک محفوظ کر لیا تھا، جو آج سنائے جانے کا مکان ہے۔
سزا برقرار رہنے کی صورت میں ڈاکٹر شکیل سزا کے خلاف گورنر خیبر پختونخوا اور صدر مملکت سے اپیل کرنے کا استحقاق رکھتے ہیں۔
