شیخوپورہ: شرق پورمیں کم سن بچی کوٹھے سے فرار ہو کر تحصیل پریس کلب میں پناہ لینے میں کامیاب ہوگئی۔
استسفار کرنے پر 11 سالہ شکیلہ نے بتایا کہ اس کے والد رانا نادر نے اپنی نشے کی لت کو پورا کرنے کے لئے اسے ایک لاکھ روپے کے عوض بیچ دیا تھا۔
لڑکی کے بیان کےمطابق وہ گزشتہ دو ماہ سے کوٹھے پرزندگی بسر کررہی تھی جہاں اسے جسمانی تشدد کے ساتھ جنسی زیادتی کا نشانہ بھی بنایا گیا۔
- Advertisement -
پولیس کی تفتیش کے دوران لڑکی نے یہ بھی بتایا کہ اس سے قبل بھی اس کے والد نے راولپنڈی کے ایک کوٹھے پر فروخت کردیا تھا لیکن وہ وہاں سے بھی فرار ہوگئی تھی۔
علاقہ ایس ایچ او عبید الرحمن نے ڈی ایس پی اخترعلی وینس کی ہدایت پر مقدمہ درج کرکے واقعے میں ملوث ساجدہ بی بی، منظورہ بی بی ، محمد اقبال اورمحمود الحسن کو گرفتارکرکے تفتیش شروع کردی ہے۔
