site
stats
Uncategorized

صحافی ارشاد مستوئی کے قاتلوں کو گرفتار نہ کرنے پر مظاہرے

حیدرآباد : اے آروائی نیوز کوئٹہ کے اسائمنٹ ایڈیٹراور سینئرصحافی ارشاد مستوئی کے قاتلوں کو تاحال گرفتار نہ کرنے پر ملک بھرمیں صحافی تنظیمیں سراپا احتجاج ہیں۔

حیدرآباد کے صحافیوں نے پریس کلب کے سامنے بھوک ہڑتالی کیمپ لگایا، جس میں حیدرآباد یونین آف جرنلسٹ اور پریس کلب کے عہدیداران بھی شریک تھے، صحافیوں کا کہنا تھا کہ درخواستوں اور مقدمہ درج ہونے کے باوجود تاحال قاتلوں کو گرفتار نہیں کیا جاسکا ہے، صحافیوں نے قاتلوں کی گرفتاری کا مطالبہ کیا۔

بدین پریس کلب کے سامنے صحافیوں نے علامتی بھوک ہڑتالی کیمپ لگایا، جس میں الیکٹرانک اورپرنٹ میڈیا کے صحافیوں کی بڑی تعداد نے شرکت کی، ان کا کہنا تھا کہ صحافیوں کی ٹارگٹ کلنگ کے باعث پورے ملک کے صحافی غیر محفوظ ہیں۔

گھوٹکی میں بھی صحافیوں سمیت سیاسی اور سماجی رہنماؤں نے احتجاجاً بھوک ہڑتال کی،  مظاہرین نے تقاریر کیں اور ارشاد مستوئی کے قاتلوں کو گرفتار نہ کرنے پر شدید نعرے بازی بھی کی۔

صحافیوں نے مطالبہ کیا کہ ارشاد مستوئی کے قاتلوں کو گرفتارکرکے ملک بھرکے صحافیوں کو تحفظ دیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top