The news is by your side.

Advertisement

عبد القادرگیلانی کےگارڈ کی فائرنگ سے ہلاک نوجوان کی نمازجنازہ ادا

لاہور: عبدالقادر گیلانی کے گارڈز کی فائرنگ سے جاں بحق ہونے والے نو جوان طاہر ملک کو سپرد خاک کر دیا گیا،گارڈ نے اپنا ابتدائی بیان پولیس کو ریکارڈ کرادیا۔

لاہورمیں سابق وزیراعظم یوسف رضا گیلانی کےبیٹےعبدالقادرگیلانی کےگارڈکی فائرنگ سےجاں بحق ہونےوالےنوجوان طاہرملک کو وحدت روڈ پرقبرستان میں سپردخاک کردیاگیا،تحریک انصاف کے رہنمامیاں محمود الرشید اوردیگر عہدیدار وں نےنماز جنازہ میں شرکت کی۔

اس موقع پر اپوزیشن لیڈرکاکہنا تھاکہ ملزمان کو جلد از جلدگرفتارکرکےکیفر کردارتک پہنچایا جائے۔ انصاف ملا تو ہی تھانہ اور وی آئی پی کلچر تبدیل ہوگا۔محمود الرشید نے ہائیکورٹ اور سپریم کورٹ کےچیف جسٹس صاحبان سےمعاملے پرسو موٹو ایکشن لینےکابھی مطالبہ کیا۔

دوسری جانب عبدالقادر گیلانی کےگرفتارگارڈ محمد خان نےپولیس کوابتدائی بیان ریکارڈکرایا، گارڈ کاکہناتھاکہ موٹر سائیکل سوارباربارگاڑی کے قریب آرہاتھاجس پراسےروکا۔تیسری مرتبہ روکاتو نہ رکنے پر ٹائرکو فائر مارا تاہم گولی سر پرجالگی۔میرافائر مارکر قتل کرنےکاکوئی ارادہ نہیں تھا۔

Print Friendly, PDF & Email

Comments

comments

یہ بھی پڑھیں