عمران خان نے پرویز رشید کے چیلنج کا جواب دے دیا -
The news is by your side.

Advertisement

عمران خان نے پرویز رشید کے چیلنج کا جواب دے دیا

اسلام آباد: تحریکِ انصاف کے چیئرمین عمران خان نے وفاقی وزیرِ اطلاعات پرویز رشید کے چیلنج کا جواب دے دیا، عمران خان کا کہنا ہے کہ  رقم کی پیشکش کرنیوالا اچھا آدمی تھا، نام نہیں بتاؤں گا، کسی نے ایم پی اے توڑا تو اسمبلی توڑ کر ری الیکشن کرائیں گے۔

سینیٹ الیکشن نے حکومت اور تحریک انصافِ میں نظرآنی والی مفاہمت خطرے میں ڈال دی ہے اور ایک دوسرے کے خلاف لفظوں کی جنگ ایک بار پھر شروع ہوگئی ہے۔

عمران خان نے پرویز رشید کے چیلنج کا جواب دیتے ہوئے کہا کہ رقم کی پیشکش کرنیوالا اچھا آدمی تھا، نام نہیں بتاؤں گا ساتھ ہی انہوں نے اپنی پارٹی کے اراکین اسمبلی کو بھی دھمکا دیا اور کہا کہ  کسی ایم پی اے نے بتائے گئے سینیٹ امیدوار کو ووٹ نہ دیا تو ایکشن لیں گے، انھوں نے مزید کہا کہ جاوید نسیم کو نااہل کروائیں گے، ووٹ فروخت کرنیوالے رکن کو جیل میں ڈلوائیں گے، کسی نے ایم پی اے توڑا تو اسمبلی توڑ کر ری الیکشن کرائیں گے۔

ان کا کہنا تھا کہ دوہزارپندرہ انتخابات کا سال نظر آتا ہے۔

اس سے پہلے پرویز رشید نے کہا تھا کہ عمران اس شخص کا نام بتائیں، جس نے سینیٹ ٹکٹ کے لیے پندرہ کروڑ کی بات کی، پرویز رشید نے عمران خان کو دھمکی دے ڈالی کہ عمران خان بولے ورنہ وہ بتائیں گے کہ پندرہ کروڑ سے زیادہ کس نے کس کو دیئے ہیں۔

Comments

comments

یہ بھی پڑھیں