لاہور: وفاقی وزیر برائے منصوبہ بندی احسن اقبال نے کہا ہے کہ عمران خان کی گرفتار ہونے کی خواہش کسی صورت پوری نہیں ہوگی۔
ایوانِ وزیراعلیٰ لاہور میں میڈیا سے گفتگو کرتے ہوئے احسن اقبال نے کہا کہ عمران خان اپنی سیاست چمکانے کے لیے لاشیں چاہتے ہیں، جس کا موقع انھیں نہیں دیا جائے گا، تحریکِ انصاف کے سربراہ ملک میں اقتصادی دہشت گردی کرنا چاہتے ہیں۔
احسن اقبال نے کہا کہ چیف الیکشن کمشنر کے نام پر تمام سیاسی جماعتیں متفق ہیں، حکومت پہلے بھی مذاکرات کے لیے تیار تھی اب بھی تیار ہے مگرعمران خان اپنی مذاکرتی ٹیم کو مذاکرات کا مینڈیٹ دیں، حکومت کسی احتجاج اور دھرنے سے پریشان نہیں ۔
- Advertisement -
انھوں نے کہا کہ احتجاج کے حق کو تسلیم کرتے ہیں لیکن کسی بھی شخص کو قانون ہاتھ میں لینے کی اجازت نہیں ۔
