لاہور: عمران خان کے دو بھانجوں نے ٹریفک وارڈن پر مبینہ طور پر تشدد کیا، جس کے بعد پہلے صلح ہو گئی لیکن پھر اعلٰی حکومتی شخصیت کی مداخلت پر مقدمہ درج کرلیا گیا۔
مال روڈ لاہور پر عمران خان کے دو بھانجوں عظیم اور عبداللہ کو ٹریفک وارڈن نے روکا تو دونوں نے مبینہ طور پر ٹریفک وارڈن کو تشدد کا نشانہ بنایا۔تھانہ ریس کورس میں وارڈن اور عمران خان کے بھانجے کے درمیان صلح کروا دی گئی لیکن اہم حکومتی شخصیت کی مداخلت پر مقدمہ درج کر لیا گیا۔
ایف آئی آر میں عمران خان کے بھانجوں پر جان سے مارنے کی دھمکی، کار سرکار میں مداخلت اور تشدد کی دفعات شامل کی گئیں ہیں،اعلٰی حکومتی شخصیت کی مبینہ مداخلت پر اب عمران خان کے دونوں بھانجے رات تھانہ ریس کورس میں گزاریں گے۔
