برازیل : فٹبال ورلڈ کپ کے فائنل میں شکست کے باوجود ارجنٹینا کے اسٹار کھلاڑی لائنل میسی کو ٹورنامنٹ کا بہترین کھلاڑی قرار دیا گیا، ایونٹ میں سب سے زیادہ گولز کرنے پر کولمبیا کے جیمز روڈریگز کو گولڈن بوٹ سے نوازا گیا۔
فٹبال ورلڈ کپ کا بیسواں ایڈیشن سابق چیمپینز ارجنٹینا کی شکست کے بعد ختم ہوا لیکن اسٹار فٹبالر لائنل میسی نے اپنے عمدہ کھیل سے سب کے دل کو مول لیا، میسی نے ایونٹ نے چار گول ہی اسکور نہیں کیے بلکہ اپنی ٹیم کو فائنل میں پہنچانے میں اہم کردار ادا کیا، شاندار کارکردگی پر میسی کو گولڈن بال سے نوازا گیا۔
کولمبین ٹیم ٹورنامنٹ کے کوارٹر فائنل میں ہمت ضرور ہار گئی لیکن کولمبیا کے نوجوان اسٹارئیکر جیمز روڈیگز ورلڈ کپ میں چھ گول کے ساتھ ٹاپ اسکور رہے، جیمز کو گولڈن بوٹ کا ایوارڈ دیا گیا، ایونٹ میں حریف ٹیموں کے حملے ناکام بنانے میں سب سے اہم کردار جرمن گول کیپر نے انجام دیا۔
جرمن گول کیپر نوئیر حریف کھلاڑیوں کے حملے ناکام کرنے کو ناکارہ بنانے کیلئے دیوار بن کر ڈٹے رہے، نوئیر کو گولڈن گلوز دئیے گئے۔
