site
stats
اہم ترین

لندن پلان بری طرح ناکام ہوگیا ہے، نوازشریف

لندن: وزیرِاعظم نوازشریف نےاقوامِ متحدہ کے اجلاس میں شرکت کے لیے امریکہ روانگی کے موقع پر لندن میں مختصر قیام کیا، ان کا کہنا تھا کہ  لندن پلان فیل ہوگیا ہے۔

وزیرِاعظم اقوام متحدہ کے اجلاس میں شرکت کرنے آج لندن سے امریکہ روانہ ہوگئے ہیں، کل پاکستان سے روانگی کے بعد انہوں نے لندن میں مختصر قیام کیا۔

لندن میں وزیرِاعظم نوازشریف کی رہائش گاہ کے باہر پاکستان تحریکِ انصاف، پاکستان عوامی تحریک، مسلم لیگ ق اورآل پاکستان مسلم لیگ کے سینکڑوں کارکنان نے احتجاجی مظاہرہ کیا اور گونوازگو کے نعرے لگائے۔

لندن سے امریکا روانگی کے دوران وزیرِاعظم نواز شریف نے میڈیا سے بات کرتے ہوئے کہا کہ لندن پلان فیل ہوگیا ہے، پوری قوم نے اسے ناکام ہوتے دیکھا ہے، ملک ترقی کی جانب گامزن ہے اور اس کی ترقی کیلئے بھرپور کوششیں کریں گے۔

اقوام متحدہ کی جنرل اسمبلی کے انسٹھویں اجلاس میں وزیرِاعظم نوازشریف پاکستان کی نمائندگی کریں گے، وزیرِاعظم چھبیس ستمبرکو جنرل اسمبلی سے خطاب کریں گے۔

اس موقع پر وزیرِاعظم دیگر ممالک کے رہنماؤں سے بھی ملاقات کریں گے، اجلاس میں دنیا بھر کے ایک سو بیس ممالک کے رہنما شرکت کررہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top