کراچی: متحدہ قومی موومنٹ کی رابطہ کمیٹی نے کہا ہےکہ لندن پولیس کی وضاحت کے بعدطارق میر کے حوالے سے ایم کیوایم کا میڈیا ٹرائل بند ہو جاناچاہیے۔
ایک بیان میںرابطہ کمیٹی نے کہاکہ طارق میرکا جعلی اورخودساختہ بیان سامنے آنے پر ایم کیوایم کے خلاف بہت زہر اگلا گیا، لیکن بی بی سی پر ہی میٹروپولیٹن پولیس کاوضاحتی بیان آگیاہے کہ پاکستان میں میڈیاپرآنے والاطارق میرکامبینہ اعترافی بیان میٹروپولیٹن پولیس کی دستاویز نہیں ہے۔
رابطہ کمیٹی نے کہاکہ میڈیااورسیاسی مخالفین کو چاہیے کہ وہ ذمہ داری کامظاہرہ کریں اورایم کیوایم کے خلاف اپنی توانائیاں صرف کرنے کے بجائے ملک کودرپیش اصل سنگین مسائل پر توجہ دیں۔
