site
stats
پاکستان

مصطفی کانجو کے جوڈیشل ریمانڈ میں مزید 10روز کی توسیع

لاہور: انسدادِ دہشت گردی عدالت نے مصطفی کانجو کے جوڈیشل ریمانڈ میں دس روز کی توسیع کردی۔

لاہور میں زین نامی لڑکے کے قتل میں ملوث ملزم مصطفی کانجو کو چودہ روزہ جوڈیشل ریمانڈ پورا ہونے کے بعدانسدادِ دہشت گردی کی عدالت میں پیش کیا گیا۔

دوران سماعت تفتیشی افسر نے درخواست کی کہ ملزم سے مزید تفتیش کرنا ہے، لہٰذا اسکےریمانڈ میں مزید توسیع کی جائے۔

جس پر خصوصی عدالت نے تفتیشی افسر کی درخواست منظور کرتےہوئے جوڈیشل ریمانڈ میں مزید توسیع کر دی۔

عدالت نے آئندہ سماعت پر پولیس کو چالان مکمل کرکے پیش کرنے کا حکم دیا۔

سابق وفاقی وزیر صدیق کانجو کے بیٹے مصطفیٰ کانجو نے گزشتہ ماہ فائرنگ کرکے چودہ سالہ زین کو قتل جبکہ ایک نوجوان کو زخمی کر دیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top