The news is by your side.

Advertisement

معروف مزاحیہ فنکار لہری کی آج 85ویں سالگرہ منائی جا رہی ہے

بے ساختہ مکالموں سے لوگوں کے لبوں پر مسکراہٹ بکھیرنے والے اداکار لہری کی آج پچاسی ویں سالگرہ ہے۔

لہری انیس سو انتیس میں بھارت میں پیدا ہوئے، خوبصورت، برجستہ اور چبھتے ہوئے جملوں سے طنز و مزاح پیدا کرنا اور پھر انتہائی کامیابی سے ادا کرنے میں لہری کو کمال حاصل تھا۔

ان کی پہلی فلم سن انیس سو چھپن میں ریلیز ہوئی، لہری نے اپنے منفرد انداز سے بہت جلد ترقی کی منازل طے کیں، لہری نے کم و بیش سوا دو سو فلموں میں کام کیا، جن میں انسان بدلتا ہے، رات کے راہی، فیصلہ، جوکر، کون کسی کا، آگ، توبہ، جیسے جانتے نہیں، اور دیگر شامل ہیں۔

لہری پاکستان کے وہ پہلے کامیڈین ہیں، جنہوں نے فلمی دنیا کے سب سے بڑے ایوارڈ نگار سب سے زیادہ حاصل کیے، ان کا آخری ایوارڈ بھی نگار ایوارڈ تھا، جو سن انیس سو تیرانوے میں ان کی خدمات کے اعتراف میں دیا گیا، لہری کے زندگی کے ہر شعبے سے تعلق رکھنے والے لاکھوں پرستار موجود تھے، ہیں اور رہیں گے۔
 
  

Comments

comments

یہ بھی پڑھیں