تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

ملالہ یوسفزئی نے امن کا نوبل انعام جیت لیا

اسٹاک ہوم: ملالہ یوسفزئی نے امن کا نوبل انعام جیت لیا ہے جبکہ ساتھ ہی بھارت کے کیلاش سیتھارتی کو بھی امن کے نوبل انعام سے نوازا گیا۔

لڑکیوں کے تعلیم کے لئے بے مثال جدوجہد کرنے والی طالبہ ملالہ یوسف زئی نے امن کا نوبل انعام جیت کر ہر پاکستانی کا سرفخرسے بلند کردیا، ملالہ کو یہ ایوارڈ بھارت کے بچوں کے حقوق کے لئے کام کرنے والے کیلاش ستیارتھی کے ساتھ مشترکہ طورپردیا گیا۔

ڈاکٹرعبدالسلام کے بعد ملالہ یوسف زئی دوسری پاکستانی ہیں، جنھوں نے نوبیل انعام حاصل کیا ہے۔ ملالہ نوبل انعام جیتنے والی سب سے کم عمر شخصیت ہیں۔

امن کے نوبل انعام کے لئے ملالہ کے نام کے اعلان کرتے ہوئے نوبیل پرائز کمیٹٰی کے چیرمین تھوب جیگللن نے کہا کہ بچوں کی تعلیم اوران کے حقوق کے لئے جدوجہد کرنے پر ملالہ کو ایوارڈ سے نوازا گیا۔

نوبل کی انعامی رقم تقریبا بارہ لاکھ ڈالر جو ملالہ اور کیلاش میں برابرتقسیم کی جائے گی۔ ملالہ کو نوبیل کا امن انعام باقاعدہ تقریب میں دس دسمبرکو دیا جائے گا۔

یاد رہے ملالہ یوسف زئی کو 2012 میں سوات میں دہشتگردوں نے نشانہ بنایا تھا، جس کے بعد ملالہ کو علاج کیلئے برطانیہ منتقل کردیا گیا تھا۔

امن کے نوبل انعام کے لئے روس کے صدر ولادی میر پیوٹن، امریکی خفیہ ادارے کے سابق افسر ایڈورڈ اسنوڈن اور امریکی خاتون فوجی سپاہی چیلسیا ماننگ کو بھی نامزد کیا گیا تھا۔

Comments

- Advertisement -