ملتان : سیلابی پانی سکندری نالے میں داخل ہوگیا -
The news is by your side.

Advertisement

ملتان : سیلابی پانی سکندری نالے میں داخل ہوگیا

ملتان : سیلابی پانی سکندری نالے میں داخل ہوگیا ہے، دوسری جانب شیر شاہ بند پر پانی کا دباؤ کم کرنے کیلئے پاک فوج نے کرین کی مدد سے مزید ایک شگاف ڈال دیا ہے۔

سیلابی ریلے نے ملتان کے نواحی علاقوں میں تباہی مچادی ہے، سورج میانی کے قریب پانی کے دباؤ سے سکندری نالے کا کنارا ٹوٹ گیا ہے۔ جس کے باعث شہر کو شدید خطرہ لاحق ہے۔

ادھر شیر شاہ بند پر پانی کا دباؤ کم کر نے کیلئے پاک فوج نے کرین کی مدد سے مزید ایک شگاف ڈال دیا ہے، ہیڈ پنجند پر دریائے چناب سے آنے والا سیلابی ریلہ چارلاکھ کیوسک سے تجاوز کرگیا ہے، ہیڈ پنجند کے مقام پر پانی کے بہاؤ میں مسلسل اضافہ ہو رہا ہے۔

شیرشاہ بند ٹوٹنے کے بعد سیلابی ریلا شجاع آباد کا تیزی سے رُخ کر رہا ہے، پانی کا تیزریلا بستی گھاگرہ کچور سمیت اپنے ساتھ نے متعدد بستیاں بہا لے گیا جبکہ ملتان مظفر گڑھ شاہراہ زیرِ آب آنے سےعوام کوآمدورفت میں شدید مشکلات کا سامنا ہے ۔

پانی کے دباؤ کے پیشِ نظر شیر شاہ بند کی مسلسل نگرانی کی جارہی ہے۔

Comments

comments

یہ بھی پڑھیں