site
stats
اہم ترین

ملتان: کل 2 مجرموں کو پھانسی دی جائے گی

ملتان: سینٹرل جیل میں سزائے موت کے منتظر دو قیدیوں کو کل تختہ دار پر لٹکانے کے انتظامات مکمل کرلیے گئے ہیں، دونوں مجرموں کی ان کے لواحقین سے آج آخری ملاقات کرا دی جائیگی۔

ملتان سینٹرل جیل میں کل بعد نمازِ فجر مجرمان غلام شبیرعرف ڈاکٹر اور احمدعلی عرف شیش ناگ اپنے جرم کی پاداش میں بالآخر اپنے انجام کو پہنچ جائینگے۔

جیل ذرائع کے مطابق دونوں مجرموں کو پھانسی دینے کیلئے سینٹرل جیل میں پھانسی گھاٹ کا مرمتی کام مکمل کر لیا گیا ہے، احمد علی اور غلام شبیر کا تعلق کالعدم تنظیموں سے ہے۔

مجرم غلام شبیر پولیس پر حملوں جبکہ مجرم احمد علی فرقہ وارانہ قتل کی وارداتوں میں ملوث ہے۔

جیل ذرائع کے مطابق پھانسی دینے سے قبل سینٹرل جیل ملتان کی سیکیورٹی انتہائی سخت کر دی گئی ہے، جیل کے اطراف میں پولیس کی نفری میں اضافہ کردیا گیا ہے، دونوں مجرموں کی سزا کے بعد پھانسی پانے والے مجرموں کی تعداد دس ہو جائے گی۔

پھانسی پانے والے مجرموں کی اکثریت دہشت گردی اور فرقہ وارانہ قتل کی وارداتوں میں سزا یافتہ تھی جبکہ اکثر مجرموں کا تعلق تحریکِ طالبان اور کالعدم تنظیموں سے تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top