The news is by your side.

Advertisement

ملک کے مختلف شہروں میں بارش کی پیشگوئی

کراچی : محکمہ موسمیات کے مطابق آئندہ 24گھنٹوں کے دوران سکھر، شہید بینظیرآباد، ڈی جی خان، ملتان، بہاولپور، ژوب، ڈی آئی خان ڈویژن میں اکثر مقامات پر جبکہ لاڑکانہ، حیدرآباد، میرپورخاص،سبی، نصیر آباد، پشاور، کوہاٹ، بنوں، ہزارہ، مردان، سرگودھا، راولپنڈی، ساہیوال ڈویژن، اسلام آباد، فاٹا اور کشمیر میں کہیں کہیں بارش اس دوران ان علاقوں میں چند مقامات پر موسلادھار بارش کا بھی امکان ہے۔

اس کے علاوہ کراچی، قلات، مالاکنڈ، لاہور، فیصل آباد، گوجرانوالہ ڈویژن اور گلگت بلتستان میں چند مقامات پر بارش کی توقع ہے۔محکمہ موسمیات کی جانب سے آئندہ دو سے تین روز کے دوران پنجاب، خیبر پختونخواہ اور کشمیر میں بارش کی پیشگوئی کی گئی ہے۔

جبکہ اگلے دو روز کے دوران سندھ، مشرقی بلوچستان میں مزید بارشوں کا امکان ہے۔مون سون کی غیر معمولی بارشوں کے باعث اگلے تین سے چار روز کے دوران پنجاب، بالائی خیبر پختونخواہ، کشمیر ،شمال مشرقی بلوچستان اور سندھ میں  اور  کے خطرے کے پیش نظر متعلقہ اداروں کو احتیاطی تدابیر اور ضروری انتظامات کرنے کی ہدایت کی گئی ہے۔

گزشتہ 24 گھنٹوں کے دوران ریکارڈ کی گئی بارش(ملی میٹر) سب سے زیادہ بارش مِٹھی میں 219 ملی میٹر جبکہ بدین 178، میرپور خاص 55 ، منگلا، حیدرآباد 49، چکوال38، اسلام آباد (سید پور 37، زیرو پوائنٹ 04، گولڑہ، بوکرہ 01)، ٹھٹھہ32، چراٹ، دادو22، مری، جوہرآباد15، شہید بینظیر آباد 14، چھور12، پڈعیدن، پاراچنار 11، ڈی جی خان،گڑھی دوپٹہ10، بہاولپور(سٹی08، ائیرپورٹ03)، خانپور07، راولپنڈی 06، راولاکوٹ 05 ، رحیم یار خان، لسبیلا04، کوٹ ادو،کوٹلی، مظفرآباد، جیکب آباد03، بہاولنگر، کوہاٹ، سکھر، روہڑی02، جہلم، بنوں، موہنجوداڑو اور کراچی میں 01ملی میٹر ریکارڈ کی گئی۔ آج ریکارڈ کیے کئے گرم ترین مقامات: سب سے زیادہ درجہ حرارت دالبندین میں 44 ڈگری سنٹی گریڈ جبکہ سبی43، نوکنڈی میں 42 ڈگری سنٹی گریڈ ریکارڈ کیا گیا۔

Print Friendly, PDF & Email

Comments

comments

یہ بھی پڑھیں