ممبئی: 1993 کے ممبئی دھماکوں کےالزام میں قید یعقوب میمن کی سزائے موت کے خلاف نظرِثانی کی اپیل مسترد ہوتے ہی ناگپور جیل میں پھانسی دے دی گئی۔
بھارت کی تاریخ میں پہلی باررات کی تاریکی میں نئی دہلی میں سپریم کورٹ نے سزائے موت کے قیدی یعقوب میمن کی نظرِثانی کی درخواست پرسماعت کی۔
سلمان خان کا ممبئی دھماکوں کے مجرم کے بارے میں وزیراعظم نوازشریف سے سوال
تین رکنی بینچ نے سزائے موت کا فیصلہ برقرار رکھا، رات گئے کمرہ عدالت سے باہر ہندوانتہاپسندوں کی جانب سے ملزم یعقوب میمن کی فوری پھانسی کیلئےاحتجاج بھی کیا گیا،اس سے پہلے بھارتی صدرپرناب مکھرجی نےبھی رحم کی اپیل مسترد کردی تھی۔
یعقوب میمن کے بھائی ٹائیگرمیمن پر1993 میں ممبئی میں دھماکے کرانے کاالزام تھاجس کی بنا پروہ بھارت سے فرار ہوگیا جبکہ اس کے بھائی یعقوب میمن نے رضاکارانہ طوراپنے ملک جاکرالزامات کا سامنا کیا، لیکن بھارت کی بدنام زمانہ ٹاڈا کورٹ نے یعقوب میمن کو سزائےموت سنادی جس پرصبح سویرے ناگپورجیل میں عملدرآمد کیاگیا۔
واضح رہے کہ یعقوب میمن کو اس کی 54ویں سالگرہ کے دن پھانسی کی سزا دی گئی۔
