کراچی : پیپلزپارٹی کے چیئرمین بلاول بھٹو زرداری نے کہا ہے کہ نالوں پرقائم تجاوزات فوری طور پر ختم کی جائیں، یہ ہدایات انہوں نے پی پی اراکین اسمبلی اور سینیٹرز کے اجلاس سے خطاب کرتے ہوئے دیں ۔
بلاول بھٹو نے اراکین اسمبلی اور سینیٹرزکو اپنے حلقوں میں بارش اور سیلاب کی صورتحال پر مقامی انتظامیہ کے ساتھ نظر رکھنے کی ہدایت کی۔
کراچی میں بلدیاتی انتخابات ، بارشوں اور سیلاب کی صورتحال پر اجلاس میں بلاول بھٹو زرداری نےصوبائی وزیر بلدیات کو بھی کراچی کے تمام نالوں کا جائزہ لینے اور نالوں کی صفائی کرانے کی ہدایت کی ۔
بلاول بھٹو کا کہنا تھا جن نالوں پر تجاوزات ہیں انہیں فوری طور پر ختم کیا جائے،اجلاس میں بلدیاتی انتخابات کے حوالے سے بھی اہم فیصلے کیے گئے۔
بلاول بھٹو کا کہنا تھا بلدیاتی انتخابات میں پارٹی ورکرز اور ہمدردوں کو ٹکٹ دیئے جائیں گے۔
