اسلام آباد:پاکستان تحریک ِانصاف نے اعلان کیا ہے کہ سابق ممبر قومی اسمبلی اور ایم کیو ایم کے رہنماء نبیل گبول نے پی ٹی آئی میں شمولیت کا فیصلہ نہیں کیاہے۔
ایک بیان کے مطابق پی ٹی آئی کی ترجمان کے مطابق اگر نبیل گبول نے تحریک ِ انصاف سے رابطہ کیا تو پارٹی کی کورکمیٹی اس معاملے پرمشاورت کرے گی۔
واضح رہے کہ آج شام نبیل جبول قومی اسمبلی میں اپنا استعفیٰ جمع کراچکے ہیں اور ان کی ایم کیو ایم سے علیحدگی کی خبریں بھی میڈیا کی زینت ہیں۔
دوسری جانب نبیل گبول نے کہا ہے کہ انہوں نے ایم کیوایم نہیں چھوڑی اوروہ اپنے سیاسی لائحہ عمل کا اعلان کل کریں گے۔
دریں اثنا نبیل گبول نے یہ بھی کہا کہ وہ خود کو ایم کیو ایم میں مس فٹ سمجھتے ہیں۔
