پشاور : شمالی ویزرستان سےنقل مکانی کرنے والے باون ہزار خاندانوں کی نادراسے تصدیق مکمل ہوگئی۔
وزیراعلی خیبرپختونخوا شکایت سیل کے انچارج زینت اللہ شاہ کا کہنا ہے کہ آپریشن ضرب عضب کے سبب نقل مکانی کرنے والوں میں سے باون ہزار خاندانوں کی نادرا سے تصدیق مکمل ہوچکی ہے، جن میں سےموبائل کمپنی سے تصدیق ہونے والوں کی تعداد تینتالیس ہزار ہے۔
زینت اللہ شاہ کے مطابق نقل مکانی کرنے والوں میں چار سے پانچ ہزارخاندان ایسے ہیں، جو بینک اکاؤنٹ نہیں کھلوانا چاہتے، جو لوگ بینک اکاؤنٹ نہیں کھلوا رہے، ان کے لئے اسپورٹس کمپلکس فوڈ پوائنٹ پر خصوصی کاؤنٹر کھولے جارہے ہیں۔
باون ہزارکیس تیار ہیں، جن کو کیش رقم کی فراہمی جلد شروع کردی جائے گی۔
